Հայաստանի ազգային ագրարային համալսարանի Սիսիանի մասնաճյուղում Դի-Վի-Վի Ինթերնեյշնալ հայաստանյան գրասենյակի, Սիսիանի մեծահասակների կրթության կենտրոնի և Հայաստանի ազգային ագրարային համալսարանի համատեղ համագործակցության շրջանակներում մարտի 27-ին և 28-ին մասնաճյուղի Կաթի և կաթնամթերքի տեխնոլոգիայի լաբորատորիայում կազմակերպվեց Չանախ և Սուլուգունի պանրի պատրաստման տեխնոլոգիա թեմայով գործնական դասընթաց: Դասընթացավարը մասնաճյուղի լաբորատորիայի վարիչ, կաթի և կաթնամթերքի տեխնոլոգ Վերգինե Ավագյանն էր: Տիկին Ավագյանը հատկացված ժամանակի ընթացքում իր մասնագիտական գիտելիքներն առավելագույնս փոխանցեց դասընթացի մասնակիցներին:Մասնակիցները իրենց իսկ ձեռքով պատրաստեցին և համտեսեցին պանրատեսակները։Շնորհակալություն ՀԱԱՀ-ին համագործակցության համար։Դասընթացը իրականացվեց Սիսիանի մեծահասակների կրթության կենտրոնի կողմից Դի-Վի-Վի Ինթերնեյշնալ-ի ֆինանսական աջակցությամբ «Համագործակցություն Գերազանցության կենտրոնների հետ» բաղադրիչի շրջանակներում։
