Մարտի 2-ին և 3-ին «Սիսիանի կանանց հզորացում» ծրագրի շրջանակներում տեղի ունեցավ երկօրյա աշխատարանը՝ «Կանանց իրավունքներ» և «Կինը և բիզնեսը» թեմաներով։
Առաջին օրը հյուրընկալել էինք «Սոսե» կանանց հիմնահարցեր ՀԿ նախագահ Լիանա Սահակյանին, ով մասնակիցների հետ քննարկեց գենդերային կարծրատիպերն ու խտրականության դրսևորման ձևերը, կնոջ դերը ընտանիքում և հասարակության մեջ, կիսվեց կազմակերպության փորձով և կարևոր խորհուրդներով՝ քաղաքականության մեջ որպես կին չթիրախավորվելու և առավել հաստատուն քայլերով առաջընթաց ապահովելու համար։
Դասընթացի երկրորդ օրը իր արժեքավոր փորձով, ինչպես նաև կարևոր հմտություններով և հաջողության իր բաղադրատոմսով կիսվեց ինչպես բիզնես ոլորտում, այնպես էլ հասարակական գործունեությամբ հաջողությունների հասած Հասմիկ Ազոյանը։ Մասնակիցները քննարկեցին բիզնես ոլորտում կանանց ներգրավման հիմնական խոչընդոտները, կարևորելով դրանց հաղթահարմանն ուղղված կամքը և ամենօրյա աշխատանքը։
Սրտանց շնորհակալություն ենք հայտնում մեր բոլոր բանախոսներին և ներկաներին․․․ 
#ԿանանցԻրավունքներ#ԿանայքԲիզնեսում#Recap#Empowerment#GenderEquality
